Urdu / Hindi Poetry

wahid

Suraj ki kirnon se banta he chehra tumhara
Ik yehi chehra he mera jeevan sahara
Ankhen teri meri nadia,palken kinara
Laakhon dukhon mien akeela he mera ye dil bechara!

Dekhen mujhe jab wo ankhen mein kho jaaoon
In ankhon ke raste mein uske Dil mein samaaon
kuch keh na paaon use mein,kuch sun na paaon
Uske bina mera jeevan jeise koi suna gaaon?
_________________

wahid

Mujh se khushian le gaya aur de gaya Kaghaz ke Phool
Ab mere ghar mein parhe hein ja b ja Kaghaz ke Phool
Wo mila to rang-o-khushboo aap hi mil jayien ge
Us se milne us ke ghar mein le chala Kaghaz ke Phool
Tu nehi to aaj gushan mein kitni weraani thi
Phool mujh ko lag rahe the badnuma Kaghaz ke Phool
_________________

wahid

Kab tak tu unchi awaaz mein boole ga
Teri khatir koon drecha khoole ga
Apne aansu apni aankh mein rehne
Reit mein kab tak heere moti role ga
lakh mere hoontoon pe chup ki muhrein hoon
mere andar ka fankar to boole ga
_________________

wahid

Shehar K dukaandaro,karobar-e-ulfat mein
Soud keya ziyan keya he tum na jaan paao ge
Dil K daam kitne hein,khawab kitne mehnge hein
Aur naqad-e-jaan keya he tum na jaan paao ge
Janta hoon mein tum ko,shouq-e-shairi B he
Shahsiat sajane mein ik ye mahri B he
Bhir B harf chunte ho,sirf lafz sunte ho
In K darmian keya he tum na jaan paao ge
Koi keise milta he,Phool keise khilta he
Ankh keise jhukti he,Sanss keise rukti he
Keise rah nikalti he,keise baat chalti he
Shouq ki zuban keya he tum na jaan paao ge
_________________

wahid

Dono ko aa saki na nibhani muhabbatein
Ab pad rahi hein humko bulani muhabbatien
Guzri rutoon K zakham B ab tak bhare nehi
Phir aur kaya ki se lagani muhabbatein
Jaane wo aaj koon se raste se aayein ghar
Har mood har gali pe bichani muhabbatein
Guzri rutoon ka humne hawala buhat diya
Par usko na yaad aaee purani muhabbatein

_________________

stayer

e-Kash agar aisa ho jaye
unke sabhi gum hamare ho jaye
hum jagey jab bhi yaad mein unki
e-kash unhe khabar ho jaye

hum jagein unki yaad mein jab bhi
wo neend k alaam mein kho jayein

hum sahein unke gum bhi haskar
gar meri khushiya unhe mil jaye

hum jee lenge kaanton mein beshak
e-kash unhe sab phool mil jayein

bhut sataya iss duniya ne humko
per ab ye duniya usey na sataye

hum jayein jab bhi dua mangney
labo pe unka hee naam aaye

kash hamari duaon mein itna asar ho jaye
unke sabhi gumm hume mil jayein
unke sabhi gumm hume mil jayein

_________________

http://nicefun.net/userspix/2011/12/Cute-Babies-NiceFun.gif

$http://nicefun.net/userspix/2011/12/Digital-Camera\'s--NiceFun-(2).gif$

stayer

Gar tujhe meri mohabat ki khabar ho jaaye
tera jeena meri yadoon main basar ho jaaye

teri zulofon ki siaahi se meri shaam dhale
teri aankhon k ujalon se sehar ho jaaye

main tere jisam ki khushbu se mehak jata hoon
jab teri yaad k jhonke ka guzr ho jaaye

yoon achanak tere be sakhta hansne ki adaa
jaise sehraa main bahaaron ka tehar ho jaaye

main nay ratoon ki namaazon main tujhe manga hay
kaash ab meri duaaon main asar ho jaaye

meri talaash meri zindgii ka tu hasil
mera rasta hay wahi ab tu jidhar ho jaaye

teri masoom nigaahon ka tabasum sahil
ab to yeh jaan bhi meri teri nazar ho jaaye

_________________

$http://nicefun.net/userspix/2011/12/Digital-Camera\'s--NiceFun-(2).gif$